Munajaat-E-Maqbool

1)Aye Allaah mein gunah gar hoon, badkaar hoon, siyaakaar hoon, riyakaar hoon, Tu Apna mohtaj raq kissi aur ka mohtaj na bana.

2) Aye Allaah mere gunaah-e-kabirah aur gunah-e-sagirah ko maaf kar aur tamaam galtiyo ko darguzar kar.

3) Aye Allaah hum teri panaah chahte hai din ke ujale se, raat ke andhere se, har musibat se, har aafat se, har pareshaani se, kanoon ki giraft se, police ki giraft se, shaitan mardood ke shar se, dushman ke shar se, qabar ke azaab se, jahanum ke aazab se, pul siraat ke raaste se, mezaan ke tarazoo se, hashr ke maidaan se, tere maqlooq ke sharr, fareb, hasad, jalan, keena, kapat, dhoka dahi se hum teri panaah chahte hain.

4) Aye Allaah hum ko iqlaas ke sath zikr, tilawat aur namaaze padne ki taufeeq ataa farma.

5) Aye Allaah hum ko sabre jameel ataa farma, aqle saleem ataa farma, ilme kaamil ataa farma is pe amal karne ki taufeeq ata farma.

6) Aye Allaah har Musalmaan ko Kaaba-e-haq ka tawaaf naseeb ataa farma, roza-e-haq ka deedar naseeb ataa farmakar aur sadqa-e-haq ataa farma.

7)Aye Allaah teri mohabbat khaas ataa farma aur tera khauff ataa farma jitna ke hum bardash kar sake.

8)Aye Allaah tere Nabi Sallallaahu Alaihiwa Sallam ki har sunnat ko zinda karne ki taufeeq ataa farma sunnat ke liye jeene aur sunnat ke liye marne ki taufeeq ataa farma.

9)Aye Allaah hamare aamaal ka, karz ka, karobaar ka tu he zimmedar ho ja.

10)Aye Allaah karz lene walon ko sabr ataa farma aur jisse hum ko karz lena hai unko maaf karne ki taufeeq ataa farma.

11)Aye Allaah hamare aulaad ko nake saleh, mard mujaahid, hafiz-e-Quran, aamil-e-Quran bana. Aur jo log sahib-e-aulaad na hone ki wajeh se dubiya me tadap rahe hai, unko sahib-e-aulaad bana de aur unko nake saleh aulaad ata farma.

12)Aye Allaah hamare maa, baap, behan, bhai, aziz wa aqaRab, padosi, murideen, mutakhadeen aur sare aalam ko musalmaan mard aur aurto ko tauheed ke samandar mein dubo de. Unki jaayaz duaon ko qubool farma aur unki hifazat farma jis tara tune apne mehboob Paigambaro ki, muhdaseen ki, saaleheen ki hifazat kiya tha ushi tarah un sab ki hifazat farma dayne se, bayne se, upar se, neche se, aage se peeche se.

13)Aye Allaah tere maqlooq ke dil mein hamare mohabbat aur khauff daal de, jo dushman hai unko dost bana de aur jo dost hai unko samandar jaisi gahrai ki dosti mein jakad de.

14)Aye Allaah jo bimaar hai unko shifa ataa farma jo berozgaar hai unko rozgaar ata farma jo benaamazi hai unko namaazi bana aur jo namaazi hai unko iqlaas ke samandar mein dubo dein aur jo tere Nabi ke ummati qabr ke azaab se tadap rahe hai aur jo ummati is duniya mein qabar ki azaab ki taraf bad rahe hain in sab ko maaf farma.

15)Aye Allaah saare aalam ke naujawaan ladkiyon ki asmath ki hifazat farma aur saare aalam mein aman-wa-aaman ata farma.

16)Aye Allaah is kalme ki haqiqat ko mashriq wa magrib shamal janubo tak pahucha de.

17)Aye Allaah, hamari zabaan mein taaseer ataa farma aankhon mein sharm wa haya ataa farma jism mein taqat aur dil mein himmat ataa farma aur saare aalam ke kaafiron per galb aata farma.

18)Aye Allaah Huzoor e Akram S.A.W.S se sacchi mohabbatt ataa farma Paigambaro se Sahaba se Muhadaseen se Saleheen se sacchi mohabbet ata farma.

19) Aye Allaah muj ko teri wahdaaniyat se aaraasta kar de taake teri maqlooq mere andar  Zaat   wa sifaat ka mashaida kar sake. Tujh se tujhi ko maangta hoon tujh se teri panaah chahta hoon aur tere aur mere (meri nafs aur teri Rooh ke) beech mein jo hijaabat hain unko hata de. 

20)Aye Allaah beshaq tu mujhe jahannum mein daal de lekin tere Nabi ki ummath mein jo gunah  gar hai, badkaar hai, siyaakaar hai, riyakaar  hai un sab ko maaf farma aur jannatul firdous me aala muqaam ata farma.

21)Aye Allaah in tamaam duaon ko Huzoor-e-Akram (SAWS) ke waastae se aur unke nawaso ki shahadat ke ek ek khoon ke khatre ka waasta aur Bayazeed Bostaami(RA), Abul Hasan Qarqaani(RA), Ibraheem Bin Adham(RA), Rabia Basri(RA), Hasan Sofi(RA), Khatijatul Kubra Sofi(RA) Fatima Sofi(RA) Sabera Safiya Sofi(RA) aur Afia Sofi(RA) ka waasta qubool ataa farma.

Note: Log aksar poochte hai ke kyon ham aisi dua maang rahe hai ki hame jahannum mein daal de? Is ka explanation yeh hai.

(Aye Allaah beshaq tu mujhe jahannum mein daal de lekin tere Nabi ki ummath mein jo gunah  gar hai, badkaar hai, siyaakaar hai, riyakaar  hai un sab ko maaf farma aur jannatul firdous me aala muqaam ata farma)                                                                

Ref:- Allah ke Rasool  SAW ne irshad farmaya jahannam har roz 70 times. Allah se panah mangti hai, Aye Allaah tu mujhe mahfooz rakhna jo banda kalma padke apni nafs ko sakit karke sabr ki aag mein jalta hai, uski aag ki shiddat  jahannum ki aag se zyada hai. Isi liye jahannum darti hai ke kahi yeh banda mere andar kkadam na rakhde aur mein kahi thandi na hojau. Is liye barhaa Allaah se dua karti hai ke aye Allaah tu mujhe mahfooz rakhna is bande ki sabr ki aag se, Jab jahannum har roz ham se 70 time darrti hai to ham kalma padke 1100 time har roz kyon na daraye agar hamare ek jalne se Allaah ke Rasool(SAWS) ki ummat bach sakti hai to mein Allaah ke Rasool(SAWS)  ka saccha ummati hone ke naate mein yeh chaahonga ke mein jahannum mein jaa kar aap ki ummat ko baksh waoonga aur aap ki ankhon ko thandak pauchaoonga, agar mere ek ke jalne se mere Rasool(SAWS) ki ankhon ko thandak pohonch sakti hai to mein carore baar jaalne ko taiyyar hoon.

DUROOD-E-SHAREEF (DUROOD-E-KAAMIL)

      ALLAAAHUM MAJ AAL SOLAWATIKA WA REHMATIKA ALAA SAYYEEDINA WA MAULAANA MOHAMMADIUN WA JADDIHI WA AALA AALI MUHAMMADIUN WA ASHABIHI WA AZWAAJIHI WA ZURRIYATIHI WA UMMAHATAAL MUMINEENA KAMA SOLLAITA ALAA IBRAAHEEMA WA AALAA AALI IBRAHEEMA INNAKA HAMIDUM MAJEED. 

   Pak hai woh  zaat jiski dharkan  se hum naik amal karte hai. Beshak hamara har amal hamarey nabi ka amal hai aur unki aal ka amal hai, sahabiyo ka aur unki biwiyo ka aamaal hai, jo hamare maayen hai. aur ye amal ibrahim Alaih salaam aur unki aal se hum tak pahuncha hai, isliye hamara amal in sab par pahunchega durood o salaam bankar.

Translate »